Міндетті мектеп формасына қойылатын талаптар

Міндетті мектеп формасына қойылатын талаптар

Құрметті ата-аналар! Жаңа оқу жылының қарсаңында міндетті мектеп формасына қойылатын талаптар Қазақстан Республикасы Білім және ғылым министрінің 2016 жылғы 14 қаңтардағы №26 бұйрығымен реттелетінін еске саламыз.
2025–2026 оқу жылында осы бұйрық өз күшінде болады.

Орта білім беру ұйымдарындағы міндетті мектеп формасы зайырлы білім беру сипатына сай болуы тиіс.
Мектеп формасы оқушылардың жас ерекшеліктеріне сәйкес еңгізіледі және күнделікті, мерекелік және спорттық болып бөлінеді. Мектеп формасының түс гаммасы – қою көк.

Ұл балаларға арналған мектеп формасы: пиджак, жилет, шалбар, ақ көйлек, күнделікті (ашық түсті) көйлек немесе түймелі/жүйрік ілгекті трикотаж кофта/кардиган, поло-көйлек немесе тенниска. Қысқы кезеңде: трикотаж жилет, водолазка. Ұлдарға арналған шалбар кең әрі ұзындығы бойынша тобықты жауып тұруы қажет.

Қыз балаларға арналған мектеп формасы: пиджак, жилет, белдемше, шалбар, ақ блузка, күнделікті (ашық түсті) блузка немесе түймелі/жүйрік ілгекті трикотаж кофта/кардиган, поло-көйлек немесе тенниска. Қысқы кезеңде: трикотаж жилет, сарафан, водолазка. Қыздарға арналған шалбар кең әрі ұзындығы бойынша тобықты жауып тұруы қажет.

Әртүрлі конфессияларға жататын діни киім элементтерін мектеп формасына қосуға жол берілмейді (Қазақстан Республикасы Білім және ғылым министрінің 2016 жылғы 14 қаңтардағы №26 бұйрығының 13-тармағына сәйкес).

Ата-аналар мен өзге де заңды өкілдер оқушылардың орта білім беру ұйымдарында белгіленген мектеп формасын сақтауын қамтамасыз етуге міндетті.