Қазақстан Республикасы Қорғаныс министрлігінің Кадет корпусына экскурсия. Щучинск қаласындағы Ш.Уәлиханов

Біз, Бакиров Тимур және Лавшук Матвей Ақмола облысы Білім басқармасының Атбасар ауданы бойынша білім бөлімінің Атбасар қ. « № 2 жалпы білім беретін мектебі" КММ 11 "Б" сынып оқушылары Қазақстан Республикасы Қарулы Күштерінің 30 жылдығы қарсаңында 2022 жылдың 4 мамырында Щучинск қаласындағы ҚР Қорғаныс Министрлігінің Ш. Уәлиханов атындағы Кадет корпусына экскурсияға бардық. Бірінші кезекте бізді ҚР Қорғаныс Министрлігінің Кадет корпусының өткізу орны қарсы алды. Мұнда келушілерге арналған бөлмеде кадеттер қонаққа келген ата-аналармен кездеседі, ал біз рұқсатнама күту кезінде мекеменің үздік тәрбиеленушілерінің суреттері мен корпус аумағындағы ережелері бар стендтерді қарастырдық. Экскурсия барысында еліміздегі ең беделді әскери оқу орнының тәрбиеленушілерінің қалай өмір сүріп жатқанын көрдік.
Экскурсия барысында бізге қару-жарақты талдау, әскери техника, жекпе-жек тактикасы, сондай-ақ қару-жарақ пен жауынгерлік машиналардың сипаттамалары, жазғы және қысқы маусымдағы киім түрлері, құрылу тарихы туралы айтылды.
Нұсқаушының бақылауымен біз АК-74 автоматын, ПМ-9 тапаншасын бөлшектедік. СВД қаруларын бөлшектеу және құрастыру. РПГ-7 аммунициясы туралы айтылды. Кадет корпусының атмосферасын көріп, біз әскери мамандықтарға түсуге ниет білдірдік.